Zyrtarë policorë nga Drejtoria Rajonale Perëndimi e Policisë Kufitare, sot me urdhër të prokurorit kanë realizuar kontroll në dy lokacione në territorin e Suharekës nën dyshimin e zhvillimit të aktiviteteve të kontrabandës me emigrant, përcjell InLajmi
“Sot më, 27 maj 2021, në orët e hershme të mëngjesit kanë kryer kontrollin në një lokacion nën dyshimin se aty mund të ketë dëshmi që lidhen me kryerjen e veprës penale ‘kontrabanda me emigrant’.
Gjatë kontrollit janë gjetur dhe sekuestruar si prova materiale: 36 pasaporta të RKS-së, një diplomë e kryerjes së shkollës së mesme të lartë (gjimnazit), 22 foto të 6 personave të ndryshëm, një transaksion bankar. I dyshuari nuk është hasur në atë lokacion”, ka njoftuar Policia.
Tutje, sipas Plicisë gjatë grumbullimit të dëshmive dhe provave, kanë ardhur në përfundim se edhe në një lokacion të 2 mund të gjinden dëshmi lidhur me kryerjen e kësaj vepre penale. Kështu, pas marrjes së urdhëresës nga organet e drejtësisë është realizuar në mesditë (27 maj 2021) kontrolli në lokacionin e 2.
“Aty janë gjetur dhe sekuestruar si dëshmi: dy telefona; dy pasaporta të RKS-së, dy transaksione bankare, një diplomë e Shkollës së Mesme të Lartë (gjimnazit) dhe një pushkë gjysme automatike me një karikator dhe 28 (njëzet e tetë) fishekë të kalibrit 7.62 mm.I dyshuari i 2 është arrestuar dhe i është shqiptuar masa e ndalimit prej 48 ore”. /InLajmi/
