Në Fushë-Kosovë, sonte rreth orës 22:30 është raportuar për të shtëna me armë zjarri, shkruan InLajmi.
Këtë e ka konfirmuar për InLajmi, Flora Ahmeti, zëdhënësja e Policisë së Kosovës për Rajonin e Prishtinës.
Nga gjuajtjet me armë janë lënduar dy persona.
“Rreth orës 22:30 është raportuar për një gjuajtje me armë zjarri në Fushë Kosovë.
Menjëherë pas marrjes së informatës policia ka dalë në vendin e ngjarjes dhe ka nisur hetimet lidhur me rrethanat që karakterizojnë rastin. Informatat e para flasin për dy persona të lënduar nga arma e zjarrit. Të njëjtit janë dërguar në QKUK për trajtimin e nevojshëm mjekësor”njoftoi zëdhënësja Ahmeti.
Lidhur me këtë rast një person i dyshuar është identifikuar dhe arrestuar nga ana e Policisë dhe aktualisht po vijon puna për hetimin e rrethanave që lidhen me rastin./InLajmi/
