Jusuf Azemi, kryetari i Sindikatës së Pavarur të Sektorit privat i ka dorëzuar kërkesat e kësaj sindikate, nënkryetares së Kuvendit, Saranda Bogujevcit, raporton InLajmi.
Menjëherë pas takimit, Azemi ka mabjtur konferencë për media ku ka bërë të ditur se është biseduar për të krijuar një fond social për punëtorët e larguar nga puna dhe ata që janë lënduar në punë.
“Punëtorët janë të lodhur me pagat, ne nuk e dimë saktë se kur do të bëhet rritja e pagës minimale, kur do të formohet gjykata e punës, apo kontrata kolektive. Kemi biseduar për një fond social që do të jetë për punëtorët e larguar nga puna pa dëshirën. Një fond për punëtorët e lënduar. E thamë me plotë përgjegjësi jemi të gatshëm për bashkëpunim dhe po ashtu për intervenim. Çfarë kemi biseduar po ashtu që të gjithë institucionet shtetëroret që janë privatizuar do të fillojnë kthimi në pozitën e tyre”, ka deklaruar Azemi. /InLajmi/
