Ish-Presidenti i Kosovës, Behxhet Pacolli së bashku me Presidenten Vjosa Osmani dhe ish-Presidentet Ahtifete Jahjaga dhe Fatmir Sejdiu ka bërë homazhe te shtatorja e ish-Presidentit Ibrahim Rugova, përcjell InLajmi.
Përmes një postimi në Facebook Pacolli ka thënë se Dr.Ibrahim Rugova që sipas tij po i mungonë skenës poltike.
Ndër të tjera Pacolli ka folur edhe për Presidentin e fundit të Kosovës, Hashim Thaçi i cili ndodhët në Hagë dhe sipas Behxhet Pacollit, Thaçi po mbahet padrejtësisht dhe i uron kthim sa më të shpejt.
Postimi i plotë i tij:
Sot, me Presidenten Osmani dhe ish-Presidentët e tjerë të vendit, ishim përsëri së bashku në këtë ditë të shënuar për të kujtuar dhe nderuar Presidentin e parë të Kosovës Dr. Ibrahim Rugova, i cili vazhdon ti mungojë skenës politike, por që mbetet frymëzim për ne dhe brezin e ri të Kosovës. Falë largpamësisë së tij Kosova fitoj miq të shumtë dhe më vonë pavarësinë e merituar, për të cilen ishte arkitekt.
Së bashku jemi gjithmonë më të fort si shtet, dhe për këtë e përgëzoj Znj. Osmani për iniciativat e saj të fundit.
Mos të harrojmë se Presidenti i fundit i Kosovës Hashim Thaçi vazhdon të përballët me drejtësinë padrejtësisht dhe i urojë kthim sa më të shpejt në familjen dhe vendin e tij.
Kosovës i kemi borxh shumë, sepse është vendlindja ynë, dhe meriton çdo të mirë por po ashtu nuk duhet ti harrojmë asnjëherë ata që sakrifikuan çdo gjë për Kosovën! /InLajmi/
