Një aksident i rëndë ka ndodhur në fshatin Korroticë e ulët të Drenasit, ku janë përfshirë 2 vetura. Nga ky aksident, Gazeta Express merr vesh se kanë mbetur të vdekura 2 gra.
Nga Qendra Kryesore e Mjekësisë Familjare në Drenas kanë bërë të ditur për Express se viktimë e aksidentit ka mbetur L.M e lindur në vitin 1973 dhe Q.Th e lindur në vitin 1994.
Ndërsa, të lënduar kanë mbetur edhe 3 fëmijë.
Fëmijët janë të moshës 8 vjeçare, 10 vjeçare dhe 17 vjeçare.
Nga QKMF në Drenas kanë treguar se një nga fëmijët është i moshës 7-8 vjeçare, një fëmijë është i lindur në vitin 2011, ndërsa njëri i lindur në vitin 2004.
Sipas kësaj qendre, një nga fëmijët ka thyer këmbën dhe dorën, por që jeta e të gjithëve është jashtë rrezikut për jetë.
Nga QKMF në Drenas kanë treguar po ashtu se të lënduar kanë mbetur edhe 2 burra, por që edhe ata janë jashtë rrezikut për jetë.
Të 5 të aksidentuarit thuhet se janë nisur për trajtim të mëtutjeshëm në Qendrën Klinike Universitare të Kosovës.
