Ish-ministri i Shëndetësisë Uran Ismaili dhe deputet nga radhët e Partisë Demokratike të Kosovës, ka reaguar për mos vazhdimin e procesit të vaksinimit të qytetarëve edhe ditën e diele, përcjell InLajmi.
Përmes një statusi në Facebook Ismaili ka thënë se është e tmerrshme të mos arrihet organizimi i një orarit me ndërrime për vaksnim në mtënyrë që ky proces të mos ndalet për asnjë ditë.
Ndër të tjera deputeti i PDK-së ka thënë se Ministri Arben Vitia ose duhet të jap përgjegjësi vet ose duhet të kërkoj nga të tjerët.
Postimi i plotë i tij:
Për besë, e tmerrshme. Të mos arrihet organizimi i një orari me ndërrime për vaksinim, në mënyrë që ky proces të mos ndalet për asnjë ditë, është mungesë e aftësive menaxheriale dhe moskokëçarje ndaj shëndetit të qytetarëve dhe ndaj ekonomisë së vendit. Në njërën anë i shtrëngojnë masat, e në anën tjetër pushojnë. Përderisa Kosova është vendi i vetëm që ka vaksinuar më së paku, për shkak se ende nuk ka siguruar blerjen e vaksinave, e kur edhe ato pak vaksina donacion që kemi – nuk u jepen qytetarëve të dielave, me arsyetimin se është ditë pushimi, është e pafalshme. Për këtë dështim, Ministri Arben Vitia ose duhet të japë përgjegjësi vetë, ose duhet të kërkojë përgjegjësi nga të tjerët. Fshehja në kohë krize nuk është zgjidhje. /InLajmi/
