Policia e Kosovës as te dielen nuk pushon, ku pikërisht sonte ka dalë në teren për të parë sa po respektohen masat anti-Covid, përcjell InLajmi.
Përmes disa pamjeve të publikuara nga Policia e Kosovës shihen duke kontrolluar lokalet dhe për ata që nuk kanë respektuar masat kanë marrë gjoba.
“Përmes implementimit të planeve policore dhe zbatimit të masave anti COVID-19, Policia e Kosovës po kujdeset për sigurinë publike si dhe parandalimin e përhapjes së pandemisë. Duke pasur synim dhe qëllim primar ngritjen e mëtejme të sigurisë së përgjithshme, parandalimin e krimit dhe zbatimin e masave anti COVID-19, policia po vazhdon me patrullime gjatë 24 orëve”, thuhet në njoftimin e policisë./InLajmi/
