E para e shtetit, Vjosa Osmani, sot përmes një statusi në llogarinë e saj Facebook ka përkujtuar 22-vjetorin e Masakrës së Dubravës, shkruan InLajmi.
Sipas saj, forcat serbe zbrazën egërsinë e tyre kundrejt të burgosurve shqiptarë në Burgun e Dubravës, fillisht duke i torturuar e pastaj duke i ekzekutuar 150 dhe plagosur afro 300 prej tyre.
Presidentja Osmani, ndër të tjera tha se ky burg është njëra ndër dëshmitë më rrëqethëse të krimeve të gjenocidit serb.
Postimi i plotë i saj:
22- vjet më parë, forcat serbe zbrazën egërsinë e tyre kundrejt të burgosurve shqiptarë në Burgun e Dubravës, fillimisht duke i torturuar e pastaj duke i ekzekutuar 150 dhe plagosur afro 300 prej tyre.
Masakra në Burgun e Dubravës është njëra ndër dëshmitë rrënqethëse të krimeve nga regjimi gjenocidal serb dhe e cila ende nuk ka marrë një përgjigje nga instancat e drejtësisë.
Një kallëzim penal nga Shoqata e të Burgosurve Politik i bërë vite më parë ende nuk ka epilog.
Përkushtim i yni mbetet që dëshmitë e të mbijetuarve për këtë krim të mund të adresohen dhe drejtësia ta thotë fjalën e vetë, si një parakusht për paqe të qëndrueshme!/InLajmi/
