Gjergj Dedaj si duket nuk e ka ndërmend të pajtohet me vendimin e Qeverisë së Kosovës për shkarkimin ne tij nga pozita e ambasadorit të Kosovës në Maqedoninë e Veriut, shkruan InLajmi.
Kjo u dëshmua përmes një statusi të tij në Facebook të cilin e ka postuar pak minuta më parë, ku shpreh kundërshtitë e tij, duke u thirrur në dispozitat ligjore që kanë të bëjnë me shkarkimin e ambasadorëve dhe arsyen për marrjen e një vendimi të tillë.
“Kushtetuta dhe Ligjet e Kosovës, janë Bibla dhe Kurani i shoqërisë kosovare, para se cilave, do duhej të ishim të gjithe të pafuqishëm”, ka shkruar Dedaj.
Ndërkohë, Dedaj ka paralajmëruar se do të qëndrojë i palëkundur në respektimin e Kushtetutës së Kosovës.
“Këto nuk shkelen dhe as nuk personalizohen, asnjëherë dhe nga askush,duhet të qëndrojmë pa lëkundur, në respektimin e saj”, ka shkruar në fund ai.
Postimi i plotë i tij:
Kushtetuta dhe Ligjet e Kosoves, jane Bibla dhe Kurani i shoqerise kosovare, para se cilave, do duhej te ishim te gjithe ta pafuqishem!
Keto nuk shkelen dhe as nuk personalizohen, asnjehere dhe nga askush,duhet te qendrojme pa lekundur, ne respektimin e e sakte te tyre. /InLajmi/
