Kryetari i Aleancës për Ardhmërinë e Kosovës, Ramush Haradinaj po tregohet optimist sa i përket rezultatit të partisë që ai udhëheq në zgjedhjet lokale që do të mbahen këtë fundvit, shkruan InLajmi. Ai ka potencuar se kandidaturat e AAK-së po ngjallin interesim të madh tek qytetarët.
Haradinaj thotë se Besnik Tahiri do të jetë kandidat për kryetar të Podujevës, Daut Haradinaj për kryetar të Prishtinës, Arbër Tolaj për kryetar të Pejës dhe Bekë Berisha për kryetar të Istogut.
“Aleanca çdo ditë po forcohet me ardhje të reja. Për të nderuar disa prej tyre, sot qëndrova në Istog, ku takova njerëz të përkushtuar dhe të gatshëm për të marrë përgjegjësitë që vendlindjen e tyre ta bëjnë me qeverisje meritore. Programi zhvillimor dhe ekipi me intelektualë, atdhetarë, aktivistë e të rinj, të prirë nga kryetari Bekë Berisha; do t’i sjellë Istogut ndryshimin e shumëpritur”, ka shkruar Haradinaj.
Kryetari i AAK-së shton më tej se “të gjithë atyre që po na bashkohen anekënd vendit, iu uroj mirëseardhjen në familjen tonë të madhe dhe suksese në realizimin e qëllimeve të përbashkëta”.
Postimi i plotë i tij:
Kandidaturat e Aleancës për kryetar komunash, Besnik Tahirit për Podujevë, Daut Haradinajt për Prishtinë, Arbër Tolajt për Pejë dhe Bekë Berishës për Istog, kanë ngjallur interesim të madh tek qytetarët.
Aleanca çdo ditë po forcohet me ardhje të reja.
Për të nderuar disa prej tyre, sot qëndrova në Istog, ku takova njerëz të përkushtuar dhe të gatshëm për të marrë përgjegjësitë që vendlindjen e tyre ta bëjnë me qeverisje meritore.
Programi zhvillimor dhe ekipi me intelektualë, atdhetarë, aktivistë e të rinj, të prirë nga kryetari Bekë Berisha; do t’i sjellë Istogut ndryshimin e shumëpritur.
Të gjithë atyre që po na bashkohen anekënd vendit, iu uroj mirëseardhjen në familjen tonë të madhe dhe suksese në realizimin e qëllimeve të përbashkëta.
RH
/InLajmi/
