Moti i fohtë dhe me shi, nuk i pengoi mbrëmë aderuesit e shumtë të muzikës, që t’a mësyejnë sallës të kino “Lumbardhi”, në Prizren, për ta përcjellur koncertin recital nga pianistja e re dhe e talentuar Riola Susuri, shkruan InLajmi.
Veprat për piano nga autorët e njohur botëror; Korsakovi, Bachu, Mozarti, Simon Gjoni, Moszkovski, etj, ishin pjesë të recitalit që nën përkujdesjen e profesoreshës Besarta Guri Bobaj, i ekzekutoi Rialo, e cila edhe gjatë u duartrokit nga publiku në sallë.
Edhe pse në moshë të re, është vetëm12 vjeçe, kjo pianiste e talentuar, gjatë këtyre viteve fundit, arriti të korr sukses të shumta në garat e ndryshme ndërkombëtare, përmes konkurimit Online, duke fituar çmimet e kryesore për kategorinë e vet. Nga paraqitja e mbrëmshme para publikut sikur edhe nga çmimet e deritashme me karakter ndërkombëtar, mund të konstatojmë se pianisten e re Riola Susuri e pret një karrierë e bujshme artistike.
Të shtojmë se organizimin e këtij koncerti recital për piano, e mbështeti materialisht edhe Drejtoria komunale për Kulturë, Rini dhe Sport në prizren. Osman GORANCI/InLajmi/
