Kordinatori i Qendrës së vaksinimit në sallën “1 Tetori” në Prishtinë, Niman Bardhi ka thënë para mediave se edhe sot është duke vazhduar vaksinimi në këtë qendër për persona mbi moshën 65 vjeçare, raporton InLajmi.
Sipas Bardhit deri në ora 12:00 vetëm sot janë vaksinuar 150 persona.
“Siç po e shihmi po vazhdojmë me vaksinimin e popullatës të grup moshës 65 vjeçare e mbi, ku aktualisht deri tani janë vaksinuar mbi 150 persona”.
“…ndërsa nëse flasim ne nivel vendi kemi mbi 500 të vaksinuar, ndërsa totali i të vaksinuarve nga fillimi ka kaluar shifrat e mbi 55 mijë të vaksinuarve”.
“Deri në këtë qaste çdo gjë është në mënyrën më të mirë. Ka interesim dhe me lehtësimin me marrjen e listave po paraqet lehtësimin tonë”.
“Personeli shëndetësorë, ose te rinjtë paralelisht personeli shëndetësor, por me arsyeshmëri, po vaksinohen”, tha Bardhi. /InLajmi/
