Policia e Kosovës ka njoftuar se ka ndodhur një aksident trafiku në Pejë, gjegjësisht në fshatin Lybeniq ku një person ka pësuar lëndime, përcjell InLajmi.
Rastin për Gazetën InLajmi e ka konfirmuar zëdhënësi i Policisë në rajonin e Pejës, Fadil Gashi ku sipas tij në aksident kanë qenë të përfshira 3 vetura dhe personi që ka marrë lëndime është dërguar në urgjencën e spitalit rajonal të Pejës për tretman mjekësor.
“Në bazë të informacioneve fillestare sot rreth orës 7:30 ka ndodhur një aksident trafiku në fshatin Lybeniq të Pejës. Në aksident kanë qenë të përfshira 3 vetura dhe një person ka marrë lëndime trupore i cili është dërguar për tretman mjekësor në urgjencën e spitalit rajonal të Pejës. Hetuesit Policor kanë dalë menjëherë në vendin e ngjarjes”, ka deklaruar Gashi. /InLajmi/
