U.D së kryetarit të PDK-së, Enver Hoxhaj ka reaguar pas shkarkimit të 12 ambasadorëve nga misionet diplomatike nëpër botë, përcjell InLajmi.
Sipas Hoxhajt, vendimi në fjalë përbën skandalin më të madh diplomatik në politikën e jashtme të vendit.
Ai tha se kjo përbën skandalin më të madh në Politikën e Jashtme të Kosovës
Postimi i plotë i tij:
Qeveria Kurti, me veprimin e djeshëm për kthimin e ambasadorëve me “çelës politik”, e ka suspenduar Politikën e Jashtme. Në 23 misione diplomatike, Republika e Kosovës nuk ka ambasadorë. Kjo përbën skandalin më të madh në Politikën e Jashtme të Kosovës. Largimi i përnjëhershëm i ambasadorëve me “çelës politik” është i paprecedent, i pamatur, i pa analizuar mirë. Veprime të tilla kamikaze e dëmtojnë imazhin e Kosovës në botë, e zbehin subjektivitetin ndërkombëtar dhe i përmbysin të arriturat e dy dekadave të fundit në diplomaci./InLajmi/
