Koordinatori i Qendrës së Vaksinimit në Prishtinë, Niman Bardhi, ka mbajtur konferencë për medie ku ka bërë të ditur se edhe të enjten ka vazhduar vaksinimi i personave të moshës mbi 65 vjeçare, raporton InLajmi.
Sipas Bardhi, 250 persona kanë marrë vaksinën deri në orën 12:00, kurse në nivel vendi 54 mijë persona janë vaksinuar në gjithë vendin.
“Edhe sot në Sallën ‘1 Tetori’ po ashtu në nivel vendi është duke vazhduar vaksinimi i popullatës së grup moshës 65 vjeç e mbi përfshirë edhe personel shëndetësor me arsyeshmëri”.
“Deri në këto momente në sallën ‘1 Tetori’ kemi mbi 150 të vaksinuar kurse më nivel vendi kemi mbi 1 100 por nëse i referohemi statistikave në përgjithësi nga fillimit kemi 54 mijë qytetarë të vaksinuar në nivel vendi”.
Sa i përket aplikimit online për vaksinim ai ka sqaruar se ende ka vështirësi, por që do të evitohen ditët në vazhdim.
“Të gjithë qytetarët që kanë arritur të aplikojnë në E-Kosova kanë terminin e tyre dhe janë kontaktuar. Kemi edhe nga ata që kanë akoma vështirësi me aplikimin e tyre”. /InLajmi/
