Aktorja e njohur hollivudiane, Salma Hayek, së fundmi ka rrëfyer për betejën e vështirë me Covid-19, shkruan CNN, transmeton InLajmi.
E aq gjendjen e rëndë e kishte pasur aktorja, saqë tregon se doktori i saj me ngulm kishte kërkuar që ajo të shtrihet në spital, por një gjë të tillë ajo e ka kundërshtuar.
“Doktori im më tha të shkoj në spital sepse isha shumë keq. Por unë i thash jo, faleminderit. Më mirë preferoj të vdes në shtëpi”, bëri me dije aktorja.
Tutje, ajo ka rrëfyer se për shtatë javë ka qëndruar e izoluar në shtëpi, derisa ka përdorur edhe oksigjenin.
Ndërkohë, edhe pse e ka kaluar këtë betejë të vështirë dhe i është kthyer jetës normale, ajo thotë se nuk e ka energjinë të cilën e ka pasur më herët.
Ndryshe, nga pandemia Covid-19, kanë pasur vështirësi edhe shumë fytyra të njohura publike të Hollyëood-it, derisa disa të tjerë e kanë kaluar më lehtë./InLajmi/
