Bekim Haxhiu, deputetë nga radhët e Partisë Demokratike të Kosovës ka hedhur kritika Ministrisë së Shëndetësisë duke iu drejtuar se po blen barna me çmime shumë të shtrenjta, raporton InLajmi.
Sipas Haxhiut kjo ministri po lufton për të kontraktuar një kontratë për furnizim me insulina me çmim prej 400 mijë eurove.
“Ka muaj që në Kosovë institucionet publike nuk janë të furnizuara me insulinë dhe nuk është se nuk ka mundësi që të sigurohen insulinat, por se kjo po bëhet për pazare dhe për përfitime materiale të krerëve të Ministrisë së Shëndetësisë. 400 mijë euro është lufta për të kontraktuar kontratën për furnizim me insulina. Ky çmim për 400 mijë eurove që po bënë betejë Ministria e Shëndetësisë është në kundërshtim me rekomandimin e KDI’së për kontraktimin e barnave dhe produkteve mjekësore”, ka thënë ai. /InLajmi/
