Ish-ministrja e Financave, Hykmete Bajrami ka kërkuar nga Ministrja e tashme e drejtësisë, Albulena Haxhiu që rastin 2.1 milionë eurove ta autorizojnë organet e drejtësisë, raporton InLajmi.
Bajrami ka thënë se Ministrja e Drejtësisë ka deklaruar dje që ka autorizuar që të merren me rastin e drogës sipas Bajramit është më mirë të merren me rastin 2.1 milionë eurov.
“Unë Hykmete Bajrami po u them të gjithë deputetëve të Lëvizjes Vetëvendosje, se jetojë në Prishtinë. Vi çdo herë në Kuvend sa herë ka seancë apo Komisione Parlamentare. Nuk fshihem askund. Ministrja e Drejtësisë e cila dje tha që e kam autorizuar që të merret me rastin e drogës, është mirë që me e autorizu çdo organ që të merret edhe me rastin e 2.1 milionëshit dhe me rastin e Hykmete Bajramit sepse duhet me u pastru njëherë e përgjithmonë kjo çështje”, ka thënë ajo.
Ndër të tjera ish-ministrja e Financave ka thënë se është ballëhapur për të zbardhur rastin e 2.1 milionë eurove.
“Unë qëndrojë këtu. Jam ballëhapur jo vetëm sa kam qenë në Ministrinë e Financave por në të gjitha institucionet. Zbardheni këtë rast dhe mos u mundoni me ma mbyll gojën me 2.1 milionë. S’ma mbyllni asnjëherë sepse jam e pastër”, ka thënë ajo. /InLajmi/