Policia e Kosovës ka njoftuar se në Deçan ka arrestuar 6 persona për veprën penale “vjedhje e rëndë”, përcjell InLajmi.
Sipas Policisë ankuesi nga fshati Isniq i Deçanit ka raportuar në Polici se disa persona me forcë kanë hyrë në shtëpinë e tij ku kanë vjedhur sende të vlefshme si dhe kanë dëmtuar një kamerë sigurie si dhe derën e hyrjes.
Policia fillimisht ka arrestuar 3 persona pastaj ka bërë bastisje edhe në 4 vende të tjera ku ka arritur të arrestojë edhe 3 persona të tjerë.
4 nga këta janë dërguar në mbajtje për 48 orë ndërsa 2 të tjerë janë liruar në procedura të rregullta.
Njoftimi i plotë i Policisë së Kosovës:
Arrestohen gjashtë (6) persona tё dyshuar për veprën penale “vjedhje e rëndë”
Pejë, 18 maj 2021
Stacioni Policor në Deçan, me datë 07.05.2021, është informuar nga ankuesi se persona të panjohur kanë hyrë me forcë në shtëpinë e tij në fshatin Isniq-Deçan, në këtë shtëpi nuk ka qenë duke jetuar askush dhe nga aty kanë vjedhur sende të vlefshme dhe kanë dëmtuar derën e hyrjes së shtëpisë dhe një (1) kamerë sigurie.
Hetuesit e Stacionit Policor në Deçan, pas një pune operativo-hetimore, ka arritur të identifikoj dhe arrestoj fillimisht tre (3) persona të dyshuar, të cilët ishin duke qarkulluar me një veturë pa targa, gjatë kontrollit në veturë janë gjetur (maska te improvizuara dhe kaçavida).
Në koordinim të plotë me Prokurorinë e shtetit dhe me Gjykatën kompetente është bërë bastisja e katër (4) lokacioneve të ndryshme dhe janë arrestuar edhe tre (3) persona të dyshuar te dyshuar për vjedhë të rëndë:
- V.K. lindur me 2000
- A.S. lindur me 2001
- D.S. lindur me 2000
- I.M. lindur me 2000
- J.A. lindur me 1997
- A.H. lindur me 2000
Pas intervistimit, me vendim të prokurorit të shtetit, të dyshuarve 1,2,3,4, iu është caktuar masa e ndalimit policor prej 48 orëve, ndërsa të dyshuarit 5 dhe 6 janë liruar në procedurë te rregullt. /InLajmi/
