Ish-ministria e Kulturës, Rinisë dhe Sportit Vlora Dumoshi ka shkruar për ndarjen nga jeta të kompozitorit Fahri Beqiri, përcjell InLajmi.
Dumoshi ka shkruar se Fahri Beqiri ishte profesor dhe kompozitor i cili ka lënë aset të çmuar muzikor.
Dumoshi ka thënë se Beqiri ishte përfaqësues tipik për aktivizimin e jetës muzikore në Kosovë i cili shpalosi një kombinim të rrallë në ruajtjen dhe promovimin e vlerave të muzikës sonë autoktone shqiptare.
Postimi i plotë i tij:
E nderuara familje Beqiri,
Me dhimbje mora lajmin për ndarjen nga jeta, e më të dashurit tuaj Fahri Beqiri.
Si profesor dhe kompozitor, la aset të çmuar muzikor, që është i gjallë për kulturën dhe artin tonë. Ishte përfaqësues tipik për aktivizimin e jetës muzikore në Kosovë. Shpalosi një kombinim të rrallë në ruajtjen dhe promovimin e vlerave të muzikes sonë autoktone shqipare. Fahriu është dëshmi e të gjitha kohërave, që jetën e ka dedikuar me përsësmori veprave dhe artit muzikor. Veprat korale më të famshme të karrierës si: Erdhi Msiti, Kënga e Rinisë, e shumë të tjera, u shndrruan në arketip të pakohë e të admiruar për publikun. Kompozitor i talentuar që ka krijuar vepra me përbërjen më të mirë ndonjëherë.
U prehsh në paqe profesor, Fahri Beqiri! /InLajmi/
