Roberto Mancini ka nënshkruar kontratë të re me Italinë, e cila do ta mbajë në krye të skuadrës deri në vitin 2026.
Presidenti i Federatës Italiane të Futbollit (FIGC), Gabriele Gravina, ka konfirmuar se përzgjedhësi aktual do ta drejtojë kombëtaren në dy Kampionate Evropiane (2020 dhe 2024) dhe dy Kampionate Botërore (2022 dhe 2026).
Ai do të jetë në krye të Azzurrëve deri në Kampionatin Botëror që do të mbahet në Shtetet e Bashkuara të Amerikës, Meksikë dhe Kanada.
“Duam t’i japim vazhdimësi punës sonë. Përveç fitimit të një trofeu, ekziston edhe një projekt, në të cilin duhet punuar”, ka thënë Gravina në Këshillin e FIGC.
