Shefi i Grupit Parlamentar të PDK-së, Abelard Tahiri, njofton se e kanë lëshuar mbledhjen e kryesisë së Kuvendit për shkak të ofendimeve të Mimoza Kusari-Lila nga LVV-, thotë ai.
Sipas tij, ofendimet po ndodhin për ta larguar vëmendjen nga pagesa e energjisë elektrike në veri të vendit, që ndodhi muajin e kaluar.
“Sot me Bedri Hamzën lëshuam mbledhjen e kryesisë së Kuvendit për shkak të ofendimeve që vijnë nga grupi më i madh parlamentar nga shefja e grupit më të madh parlamentar znj.Kusari-Lila, që përfaqëson LVV-në. Pra një frymë e njejtë po vazhdon ashtu sic ishte në seancën e javës se kaluar, ku ky pushtet po tenton me ndal fjalën e deputetëve të opozitës dhe mos mi trajtu agjendat tona si parti opozitare.
E fundit është zonja Kusari që ka deficite të mëdha morale e çfarëdo qofshin ato për me u quajt deputetët e opozitës si deputetë që më shumë ngjasojnë me banda sesa me parti opozitare”, tha Tahiri.
“Ky opozitarizëm po e rëndon shumë mazhorancën, paaftësia e tyre me drejtu vendin, po i lë tek ajo si me ndal debatin në Kuvend. Kanë ritëm shumë të dobët e të ngathët të qeverisjes që po ndodh në vendin tonë”, shtoi ai.
Tahiri tha se nuk do të ketë bojkot në të ardhmen por, sipas tij “ofendimet e zonjës Kusari vazhduan ashtu sic ishin edhe në seancën e ditës së premte”, transmeton Gazeta Express.
“Dëshirojnë më mbulu pagesën e energjisë në veri të vendit, që qytetarët mos me mujt me kujtu”, u shpreh ai.
