Kreu i Partise Demokratike të Kosovës, Enver Hoxhaj sot në seancën e ku po tregohet programi i qeverisë Kurti2 ka thënë se kjo seancë erdhi 2 muaj me vonesë dhe nuk ka nevojë për kurrëfarë nevoje për seancë urgjente, raporton InLajmi.
Sipas Hoxhaj e nevojshme është seanca urgjente në momentin kur është marrë ndonjë vendim për vaksinat anti-Covid që sipas tij duhet të jetë prioritet urgjent i qeverisë.
“Pamjet e shemtuara të trajtimit të prindërve, gjyshërve dhe të moshuarëve tanë, ku ata shtyheshin me njëri tjetrin, pa fajin e tyre, për të marrë një vaksinë, tregojnë që vendi është drejt një katastrofe shëndetësore. Kudo në botë, edhe tek ne, është detyrë e kryeministrit që të siguroj vaksinat. Mirëpo ai dhe qeveria e tij pa asnjë justfikimi i kanë braktisur qytetarët në betejën e vështirë me pandeminë. Sepse nuk kanë guxim, dije dhe përvojë që të menaxhojnë pandeminë”, ka thënë Hoxhaj.
Ndër të tjera Hoxha ka bërë pyetje se kush ju tha që po dalim nga pandemia, prej kujt i keni këto garanca ai i është drejtuar Kryeministrit se nuk je në tokë të bukës.
“Kush ju tha që po dalim nga pandemia? Prej kujt i keni këto garanca? Kjo z. Kryeministër, dëshmon se ju seriozisht nuk jeni në tokë të bukës. Pra, këta mijëra të papunë që janë lënë vetëm e pa të ardhura, këto mijëra biznese që janë shuar dhe s’kanë shpresë të rinisin, pa një ndihmë fiskale qeveritare, nuk të kanë bërë përshtypje, por ke dalë menjëherë tek eksporti. Kjo është asgjë më shumë, se abstenim i plotë nga përgjegjësia për ta parë realitetin ashtu siç është dhe për ta ndihmuar ekonominë që t’i bëjë ballë këtij realiteti. Madje as buxhetin e dedikuar për stimulim të ekonomisë në pandemi për bizneset dhe punëtorët, që është paraparë në Ligjin për Rimëkëmbjen e Ekonomisë, nuk e keni përmendur fare. Nëse nuk doni ta zbatoni atë plan, pse nuk e keni sjellë një plan tuajin atëherë?”, tha Hoxhaj.
Ndër të tjera kreu i PDK-së ka përmendur se Kurti nuk ka kurrfarë plani për Trepçën, Postën dhe KUK-un.
“Ju në fakt, as për Trepçën, as Postën, as KEK-un, që i keni përdorur si diskurs popullist për të ardhë në pushtet, nuk keni kurrfarë plani”, tha Hoxhaj.
Sipas Hoxhaj plani i sotëm është shkruar nga zyra për planifikim stragjik.
“Pra janë 2 programe, të ndryshme. Pse është kjo? Sepse i pari është shkruar në zyrat e VV dhe ndoshta e ka mbykëqyrë edhe vet zoti Kurti. Programi i sotëm është shkruar nga zyra për planfikim strategjik në qeveri dhe nga drejtori i kësaj zyre, Vedat Sogojeva. Këtë program që e diskutojmë sot, mund ta quajmë programi i Vedat Sogojevës, një zyrtar i përgjegjshëm që merret me tema tenike në qeveri, dhe i ekpit të tij. Por ky nuk është program i hartuar nga ky ekip i qeverisë. Çfarë do të thotë kjo në praktikën politikë: Albini i fiton zgjedhjet, Vedati shkruan progam dhe qeverisë! Vedati ja prenë këmishën popullit, aq sa ka vullnet ai”, tha Hoxhaj.
“Shumë premtime në fushatë zgjedhore që ishin me tone epike, në program janë tretur dhe ka zero zotime për to: Vendi i garantuar i punës dhe i pagës për të rinjtë nga mosha 16-18, pushimi i lehonisë dhe ai prindëror për 12 muaj”, tha Hoxhaj. /InLajmi/
