Kryetari i Nismës Socialdemokrate, Fatmir Limaj në 22 vjetorin e zhdukjes së veprimtarit Ukshin Hoti ka thënë se kaç shumë vite kanë kaluar dhe ende familja dhe shteti i tij nuk dinë gjë për fatin e tij, përcjell InLajmi.
Sipas Limaj, Ukshin Hoti ishte dhe mbetet ndër vizionarët dhe mendimtarët më të mëdhenj të kombit tonë.
Ndër të tjera kryetari i Nismës ka thënë se me veprat e Ukshin Hotit janë fryëmuzar breza të tërë në rrugën për liri e pavarësi.
Postimi i plotë i tij:
Sot bëhen 22 vite që në rrethana ende të pa ndriçuara është zhdukur veprimtari i madh, Ukshin Hoti.
Kaç shumë vite kanë kaluar nga ajo ditë, ende familja dhe shteti i tij nuk dinë gjë për fatin e tij.
Ukshin Hoti ishte dhe mbetet ndër vizionarët e mendimtarët më të mëdhenj të kombit tonë.
Ai kishte specializuar në “Hardvard” të SHBA-së për shkencat politike, publicist i shquar, profesor e filozof, por mbi të gjitha atdhetar dhe veprimtar i madh çështjes kombëtare gjatë viteve 1981-1999.
Me veprat e tij ai ka frymëzuar breza të tërë në rrugën tonë për liri e pavarësi dhe me të drejtë konsiderohet si ikonë e të drejtave dhe lirive shqiptare ngaqë ka punuar me shumë përkushtimin për arritjen e tyre.
Ne nuk do të ndalemi së kërkuari zbardhjen e fatit të Ukshin Hotit, këtij intelektuali të përmasave botërore me të cilin mburren gjithë shqiptarët, kudo që jetojnë e veprojnë. FL /InLajmi/
