Ministria e Shëndetësis përmes një njoftimi ka bërë të ditur se vaksinimi kundër koronavirusit është duke vazhduar në nivel vendit sipas Planit Shtetëror të vaksinimit kundër koronavirusit, përcjell InLajmi.
Sipas njoftimit është duke u kryer vaksinaimi i personave mbi moshën 65 vjeçare dhe vaksinimi i tyre është duke u bërë sipas termineve të caktuar.
Njoftimi i plotë nga Ministria e Shëndetësisë:
Njoftim rreth vaksinimit kundër COVID-19
Prishtinë, 15 maj 2021
Ministria e Shëndetësisë njofton opinionin se Vaksinimi kundër COVID-19 është duke vijuar në nivel vendi sipas Planit Shtetëror të Vaksinimit kundër COVID-19, ndërsa janë duke u vaksinuar qytetarët e moshës mbi 65 vjeçare.
Vaksinimi në sallën “1 tetori” në Prishtinë është duke u bërë sipas termineve të caktuara për personat e kësaj grup-moshe që kanë aplikuar përmes platformës e-Kosova, ndërsa në komuna, sipas listave në dispozicion të krijuara nga ana e tyre dhe përmes platformës e-kosova. (https://ekosova.rks-gov.net)
Vaksinimi sipas kësaj mënyre do të vazhdojë edhe nesër, ndërsa në qendrat e vaksinimit duhet të shkojnë vetëm qytetarët e kontaktuar nga Ministria dhe QKMF-të.
Më poshtë video udhëzuesit si të aplikohet për regjistrim në e-kosova dhe sit ë aplikohet për vaksinim kundër COVID-19:
https://ekosova.rks-gov.net/Video/OO6B5z5Vt9Y
https://ekosova.rks-gov.net/Video/Hn2SJJlZppë
Në ditët në vijim, Ministria e Shëndetësisë do të njoftojë qytetarët edhe për mundësi të tjera shtesë të regjistrimit për marrje të vaksinës kundër COVID-19. /InLajmi/
