Ambasadori i Britanisë së Madhe në Kosovë, Nicholas Abbott, ka uruar myslimanët me rastin e festës së Fitër Bajramit.
Përmes facebook-ut, në dedikimin e tij, ai ka uruar lumturi dhe shëndet.
”Urime Fitër Bajrami gjithë atyre që festojnë sot! Ju uroj lumturi, shëndet dhe mbarësi për vitin që vjen”.4
Në Xhaminë e Madhe “Sulltan Mehmet Fati”, në Prishtinë është bërë falja e namazit të Fitër Bajramit.
Numër i madh i qytetarëve kanë kryer këtë ritual fetar, kurse brenda objektit të xhamisë është kërkuar vazhdimisht respektimi i distancës.
Myftiu i Kosovës, Naim Tërnava me këtë rast tha se ka uruar të gjithë besimtarët për festën e Fitër Bajramit.
Sipas tij, feja islame angazhohet në formimin e një shoqëri të shëndoshë e humane, prandaj nëse njeriu lufton drejt këtë do të shërbejë për të mirën e shoqërisë.
Tërnava shtoi se kjo festë kultivon më së miri ndjesinë e besnikërisë e bujarisë. Ai ka uruar që sa më shpejt të përfundojë edhe pandemia që ka kapluar gjithë botë.
Madje ai ka bërë thirrje për kujdes maksimal gjatë vizitave gjatë festës së Fitër Bajramit.
“Falënderojmë Allahut me ndihëm e të cilit arritëm ta kalojmë muajin e Ramazanit. Jemi bashkë në këtë ditë madhështore për të festuar Fiter Bajramit. Muaji i Ramazanit na mbajti të bashkuar në iftare e syfyre, me solidaritet e devotshmëri”.
“Feja islame angazhohet në formimin e një shoqëri të shëndoshë e humane. Nëse njeriu lufton drejt këtë do të shërbejë për të mirën e shoqërisë. Sot kemi festë që na bashkon me miq e farefis”.
