Koordinatori i Qendrës së vaksinimit në Prishtinë Niman Bardhi, në një konferencë për medie ka thënë se sot është dita e parë që po vaksinohet personat mbi moshën 65 vjeçare, përcjell InLajmi.
Sipas Bardhit vetëm sot janë vaksinuar 750 persona.
“Sot është dita e parë me radhë nga 65 vjeç e mbi për të moshuarit që kanë bërë aplikimin në platformën online e-Kosova, por edhe ata që nuk kanë mundur të aplikojnë”.
“Aktualisht të vaksinuar vetëm sot janë rreth 750 persona, ndërsa numri total rreth pesë mijë të vaksinës Pfizer. Nëse flasim nga dita e parë nga 29 marsi atëherë kemi rreth 30 mijë vaksina të aplikueshme”.
Bardhi ka treguar se është një fluks i madh i qyetatrëve të cilët kanë aplikar në linkun e publikuar që ka qenë vetëm për Prishtinës, por ka pasur aplikime edhe të qytetëve të tjera.
“… fluksi është shumë i madh sepse është edhe nga linku që kanë parë po aty ka qenë vetëm për komunën e Prishtinës dhe ka pasur që kanë ardhur edhe nga komuna tjera. Me shtim stafit kemi arritur me menaxhuar situatën”, tha ai.
Ndër të tjera Niman Bardhi ka bërë të ditur se për rreth qendrës së vaksinimit janë shtuar edhe ekipet të Policisë së Kosovës.
“Nuk është e vërtetë që sot është vaksinuar dikush nga personeli shëndetësor ashtu siç është potencuar, pasi sot vetëm të moshuarit mbi moshën 65 vjeç”, tha Bardhi./InLajmi/
