Ministrija e Drejtësisë ka njoftuar se ministrja Albulena Haxhiu ka pritur në takim Shoqatën e të burgosurve poltik 143 + 2 të Gjakovës, përcjell InLajmi.
Gjatë këtij takimi Haxhiu ka marrë dhuratë një libër i cili dokumenton dhe shtjell krimet e luftës në Gjakovë dhe Dubravë.
Drejtori i shoqatës Afrim Caka është shprehur i gatshëm për bashkëpunim në adresimin e çështjeve që kanë të bëjnë me krime të kryera gjatë luftës së fundit në Kosovë.
Postimi i plotë i Ministrisë së Drejtësisë:
Ministrja Haxhiu sot priti në takim Shoqatën e ish të burgosurve politik 143+2 të Gjakovës
Ministrja e Drejtësisë, Albulena Haxhiu ka pritur sot në takim përfaqësues nga “Shoqata e ish të burgosurve politik 143+2 të Gjakovës”, me ç’ rast Ministres i dhuruan një libër i cili dokumenton dhe shtjellon krimet e luftës në Gjakovë dhe në Dubravë, si dhe dëmet materiale të nxjerra për këtë zonë gjatë luftës së fundit.
Drejtori i kësaj shoqate z. Afrim Caka, shprehu gatishmërinë që të ofrojë bashkëpunim në adresimin e çështjeve që kanë të bëjnë me krimet e kryera gjatë luftës së fundit në Kosovë.
Ministrja falënderoi për punën e bërë dhe shprehu gatishmëri për bashkëpunim në të ardhmen. /InLajmi/
