Ministrja e Jashtme e Suedisë, Ann Linde ka thënë se normalizimi i marrëdhënieve Kosovë-Serbi është rruga para për të 2-ja palët.
Ajo këto komente i bëri pas takimit që pati me Përfaqësuesin e BE-së për dialogun Kosovë-Serbi, Miroslav Lajçak.
Linde përmes një postimi në Twitter ka thënë se të 2-ja vendet si Kosova ashtu edhe Serbia duhet ta kenë prioritet dialogun.
“Një diskutim i mirë me përfaqësuesin special të BE-së, Mirosllav Lajçak, për dialogun Beograd – Prishtinë të ndihmuar nga BE-ja. Normalizimi i marrëdhënieve Kosovë – Serbi është rruga para. 2 shtetet duhet ta bëjnë prioritet dialogun” , ka shkruar Ann Linde, transmeton Telegrafi.
Lidhur me këtë takim ka folur edhe diplomati sllovak, Miroslav Lajçak i cili tha se së bashku me ministren suedeze Linde, diskutuan për nevojën e forcimit të besueshmërisë së BE-së në rajon, si dhe rolin e dialogut dhe rëndësinë e OSBE-së që luan në terren.
