Policia e Kosovës ka njoftuar se rreth orës 12:00 ka marrë informacion se ka nodhur një vdekje e dyshimt në Fushë Kosovë, gjegjësisht në fshatin Vragoli, përcjell InLajmi.
Rastin për Gazetën InLajmi ka konfirmuar zëdhënësi i Policisë në rajonin e Prishtinës, Ageon Borovci ku ka thënë se Policia ka dalur menjëherë në vendin e ngjarjes dhe ka konstatur vdekjes e viktimës femër 33 vjeç.
“Rreth orës 12:00, kemi pranuar informatën për një rast vdekje e dyshimtë, në fshatin Vragoli të Fushë Kosovës. Policia menjëherë ka dalë në vendin e ngjarjes si dhe mjekët emergjent të cilët kanë konstatur vdekjen e viktimës femër 33 vjeç”, ka thënë Borovci.
Borovci gjithashtu ka thënë se duke u mbështetur në të dhëna fillestare të vendit ka shumë elemente që sugjerojnë për një vdekje të dhunshme.
“Mbështetur në të dhënat fillestare të këqyrjes së vendit të ngjarjes përkundër që ka elemente që sugjerojnë për një vdekje të dhunshme, policia me kujdes të shtuar po heton rastin si vdekje të dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka deklaruar Borovci. /InLajmi/
