Të rinjtë e Lidhjes Demokratike të Kosovës në Suharekë, kanë zgjedhur një mënyrë kreative për të kritikuar qeverisjen komunale.
Përmes një postimi, ata kanë reaguar ndaj gropave të mëdha nëpër rrugët e qytetit, kështu duke “zënë peshq” në to, shkruan Gazeta Sinjali.
“Këto gropa që po i shihni, deri më tani kanë kryer dy funksione: 1.Kanë shkatërruar makinat tona, me të cilat çdo ditë kryejmë punë, ani pse për këto gropa, kreu i komunës sonë e ka shpërblyer me tender publik një bashkëpartiak dhe dost të vetin. Vlera e tenderit ka qenë afërsisht gjysmë milioni, por tani zyrtarë të komunës po na thonë që kjo vlerë është tejkaluar! Nëse e shohim nivelin e rrugëve e dimë që këtu kemi të bëjmë me keqmenaxhim të kontratës, në mos edhe me diçka tjetër”, thuhet ndër të tjera në reagimin e tyre.
