Policia e Kosovë ka njoftuar se 2 vetura janë përfshirë në aksident trafiku në rrugën nacionale Mitrovicë – Prishtinë, saktësisht në fshatin Kçiq, si pasojë e aksidentit ka ndërruar jetë një person, përcjellë InLajmi.
Rasti është konfirmuar për Gazetën InLajmi nga zëdhënësi i Policisë në rajonin e Mitrovicës së Jugut, Avni Zahiti ku ka thënë se viktima ka ndërruar jetë në QKUK.
“Një aksident trafiku me fatalitet ka ndodhur në orën 13:20, të datës 9 maj 2021, në rrugën nacionale Mitrovicë-Prishtinë segmenti rrugor “fsh Kçiq, ku të përfshira ishin dy vetura civile, ku si pasojë e aksidentit dhe lëndimeve të pësuara më pas në QKUK ka vdekur viktima, Sh. N.,66 vjeçar. Hetuesit e njësisë së trafikut rajonal, nën udhëheqjen e prokurorit të rastit, janë duke zhvilluar hetime për të sqaruar të gjitha rrethanat që kanë të bëjnë me aksidentin fatal. Me urdhër të prokurorit të rastit trupi i pajetë i viktimës së aksidentit është dërguar për obduksion”, ka deklaruar Zahiti. /InLajmi/
