Koordinatori i Qendrës për Vaksinim në Prishtinë te Salla “1 Tetori” ka mbajtur konferencë për media ku ka treguar për numrin e të vaksinuar në 3 ditët e fundit, raporton InLajmi.
Sipas tij vetëm sot janë vaksinuar 300 persona.
“Ditën e 3-të më radhë të fazës së 2-të të vaksinimit, deri më tani për sot, janë vaksinuar 300 profesionistë shëndetësor, në nivel vendi. Nga totali i përgjithshëm për 3 ditë kemi arriti 1900 dhe po shpresojmë që ky numër të jetë në rritje e sipër”, tha Bardhi në konferencën për medie.
Ndërsa sa i përketë ditës së enjte, Bardhi ka bërë të ditur se kur ka filluar vaksinimi e deri në orët e pasdites janë vaksinuar 940 profesionistë shëndetësor.
Ai ka treguar se vetëm Salla “1 Tetori” është pikë për tu vaksniar dhe se radhët për vaksinim janë të gjata.
“Ka radhë të gjata, sepse tani kemi vetëm një pikë vaksinimi, sepse vetëm 1 tetorin e kemi si pikë. Pritja është më e gjatë, kemi pesë ekipe mjekësore paradite dhe pesë pas dite”, ka vazhduar ai. /InLajmi/
