Në seancen e Kuvendit e cila është duke u mbajtur, deputeti i AAK-së, Besnik Tahiri ka kërkuar nga Qeveria e Kosovës që të gjitha bizneset që janë gjobitur në kohë të pandemisë t’u bëhet falja e gjobave, raportin InLajmi.
“Kërkojmë prej jush që të gjitha bizneset që janë dëmtuar në këtë proces, që janë gjobitur në kohë të pandemisë t’u bëhet falja e gjobave. Është e padrejtë, e pamoralshme e pasinqertë që të gjitha partitë të mbajnë tubime me mbi 50 veta, e mos me u sanksionu ndërsa bizneset me marrë gjoba“.
Tahiri ka kërkuar që ky vendim të merret sa më shpejt ai gjithashtu ka rikujtuar Qeverinë se kanë thënë se të premten vjen programi qeverisës.
“Kërkojmë prej juve që të vini me një vendim e kërkojmë nga Grupet Parlamentare me vendim të përbashkët sepse të gjitha masat që janë marrë edhe në të kaluarën nuk janë të mjaftueshme që ekonomia të funksionojë kështu. Kërkojmë prej juve që sa më shpejtë të bëni këtë. Në Podujevë shkojnë bëjnë gjoba një nga një për të përmbushur të hyrat në buxhet, e në veçanti me vendimet që keni marrë me mbylljen e vendit.Keni paralajmëruar që të premten vjen programi, mos harroni në historinë e qeverisjes qendrore keni mbetur qeveria më e dobët që për 45 ditë prej kur jeni votuar në këtë Kuvend nuk keni arritur me e sjellë një program. Kjo bie ndesh me gjithë çfarë keni thënë në fushatë zgjedhore“, tha Tahiri./InLajmi/
