Seanca e Kuvendit të Kosovës është ndërprerë pas përplasjeve të opozitës me ministren e Punëve të Jashtme, Donika Gërvalla, raporton InLajmi.
Dy partitë opozitare PDK dhe LDK kanë lëshuar seancën e Kuvendit, pas replikave të shumta që kanë pasur me disa nga ministrat e qeverisë Kurti.
LDK e lëshoi sallën pas ndërprerjes së fjalës së Arben Gashit, e nga PDK Abelard Tahiri tha se Kryesia duhet të mblidhet dhe të merret vendim që Saranda Bogujvci të mos i udhëheqë seancat më.
Teksa kryesuesja e seancës, Saranda Bogujevci kërkoi 15 minuta, pauzë, pas lëshimit të sallës nga opozita, në hyrje të sallës së Kuvendit është krijuar një tollovi në mesin e deputetëve.
Duke daluar nga Kuvendi deputetët e PDK-së, u nxitën nga ministri i Bujqësisë, Faton Peci.
Një prej deputetëve është mbajtur për krahu nga disa deputetët. Nga videot e publikuara, Hajdar Beqa, cili shihet që është përplasur me deputetin e VV’së, Besim Muzaqin.
Pastaj në tollovinë që u krijua te hymja e Kuvendi, u shtyen më njëri-tjetrin, deputeti i PDK-së, Ardian Kastrati dhe deputeti i VV-së, Salih Zyba.
Ndryshe, nënkryetarja Saranda Bogujevci ka thënë se Kuvendi shkon në pauzë deri në ora 12:00. /InLajmi/
