Kryediplomatja Donika Gërvalla është përplasur me deputetët e PDK-së në seancën e Kuvendit të Kosovës, lidhur me krijimin e Gjykatës Speciale, raporton InLajmi
Gërvalla i ka akuzuar deputetët e PDK-së, se si parti janë përgjegjës për krijimin e Gjykatës Speciale. Ajo tha se kjo gjykatë është instaluar nga vetë partia e PDK-së dhe se të njëjtit janë munduar të evitojnë gjykimin e krimeve në Kosovë.
Gjykata Speciale, nuk është instaluar nga Serbia, ajo është e instaluar nga ju, sepse, ju jo vetëm që nuk keni ndërmarrë për dënimin dhe gjykimin e krimeve të pasluftës por ju jeni munduar ta evitoni gjykimin e krimeve në Kosovë dhe ju në këtë formë e keni bërë të mundshme Gjykatën Speciale dhe e keni votuar atë.
Poashtu Donika ka thënë se ky koalicion nuk është krijuar nga Qeveria e tanishme.
Ky koalicion qeveritar nuk e ka krijuar Gjykatën Speciale dhe ju jeni përgjegjës që prijësit tuaj janë në hagë. Bëhuni opozitë serioze dhe konfrontohuni me të vërtetën”, ka thënë Gërvalla.
Kryediplomatja kosovare ka thënë se është zotuar që si ministre do të përfaqësojë interesat e Kosovës.
“Si ministre e Jashtme unë jam zotuar që interesat e Republikës së Kosovës t’i përfaqësoj në mënyrën më të denjë të mundshme në arenënë ndërkombëtare”, tha Gërvalla. /InLajmi/
