Policia e Kosovës ka njoftuar se është arrestuar një burr në Malishevë në një gjenci turistike pasi që i njëjti prodhonte dhe shiste diploma të falsifikuara, përcjell InLajmi.
Sipas Policisë kishin pranuar një informacion në periudhën Janar-Mars 2021 se shumë qytetarë nga Kosova kishin paraqitur kërkesa për viza pune në vende të ndryshme të BE-së ku dyshohet se diploma e tyre ishte e falsifikuar.
Pas kësaj hetuesit kishin filluar menjëherë hetimet ku kanë marrë në intervistim persona të ndryshem si dhe dëshmitarë.
Pas të gjithave kanë përfunduar me bastisje në një agjenci turistike në Malishevë ku kanë gjetur cilësinë e dëshmisë materiale diploma të të njëjtit format.
Nga kjo është arrestuar i dyshuari i lindur në vitin 1961 ku është ndaluar për 48 orë nga Policia.
Njoftimi i plotë i Policisë së Kosovës:
Sektori i hetimeve rajonale në Prizren, kishte pranuar një informacion se në periudhën Janar-Mars 2021, shumë qytetarë nga Republika e Kosovës kishin paraqitur kërkesa për viza pune në vende të ndryshme të BE-së, me diploma të cilët dyshohet se ishin të falsifikuara.
Hetuesit filluan me verifikimin e vlefshmërisë së këtyre diplomave të cilat janë lëshuar nga një shkollë e mesme e lartë në Komunën e Prizrenit, pas verifikimit të vlefshmërisë hetuesit rajonal zbuluan se të gjitha diplomat ishin të falsifikuara.
Me autorizimin e prokurorit hetuesit filluan grumbullimin e provave duke siguruar dëshmi për veprën penale falsifikim i dokumentit, në këtë kuadër u intervistuan persona të ndryshëm si dhe dëshmitarë të shumtë.
Me urdhër të prokurorit të rastit, u realizua një bastisje në Malishevë, në një agjenci turistike ku u gjeten dhe u sekuestruan në cilësinë e dëshmisë materiale diploma të të njëjtit format, të lëshuar në emër të institucionit shkollor “SHML nga Prizreni”, për persona të ndryshëm. Hetuesit gjetën prova se këto diploma janë prodhuar dhe dhënë në këmbim të shumave të caktuara të parave.
Në lidhje më këtë rast policia ndaloj të dyshimtin H. M i lindur në vitin 1961, me urdhër të prokurorit i njëjti u intervistua në prezence të avokatit mbrojtës dhe u ndalua në afat prej 48 orë.
Rasti është duke u hetuar. /InLajmi/
