Sekretari i partisë së Nisma Socialdemokrate, Bilall Sherifi, ka kritikuar kryeministrin Albin Kurti pasi nuk ka ndërmarrë asnjë veprim për mbrojtjen e krerëve të UÇK-së të cilët po gjykohen nga Gjykata Speciale në Hagë, raporton InLajmi.
Ai ka thënë se shteti duhet ta koordinojë mbrojtjen e të pandehurve. E ka konsideruar si qeveri e paligjshme e cila tash as vetën nuk e mbron.
“Shteti duhet ta koordinojë mbrojtjen e të pandehurve. Pse heshti Albin Kurti kur gjykata duhej të vendoste për mbrojtjen në liri. Në cilësinë e udhëheqësit të opozitës Albin Kurti deklaroi se mbrojtja e krerëve të UÇK-së është edhe mbrojtje qeverie. Duam të dimë a është mbrojtje qeverie tani dhe a vlen për qeverinë që ai udhëheqë. Kjo qeveri e paligjshme siç e quan qeverinë Hoti e tani nuk mund ta mbrojë vetveten e lëre më dikë tjetër. Duam të dimë se a varet qeveria vetëm nga Albin Kurti vlen vetëm kur të tjerët janë në pushtet”, u shpreh ai.
“Nisma kërkon nga kryeministri se koha është të bëjë atë që kërkonte nga të tjerët sa ishte në opozitë”, u shpreh Sherifi.
Tutje ai e ka quajtur qeverinë Kurti 2 si qeveri hipokrite. /InLajmi/
