Ministria e Shëndetësisë ka njoftuar se janë pranuar 4.680 vaksina nga kompania Pfizer/Biontech, përcjellë InLajmi.
Ky kontingjent konsiderohet pjesa e parë e 95 mijë vaksinave të ndara nga Bashkimi Evropian për Kosovën.
Këto vaksina do të përdorën nga punëtorët shëndetësorë të cilët nuk mundën të vaksinohen herën e parë, njofton Ministria e Shëndetësisë
Ministria e Shëndetësisë do të rifillojë vaksinimin nesër në sallën 1 Tetori.
Komunikata e plotë:
Njoftim lidhur ma vaksinimin kundër COVID-19
Prishtinë, 4 maj 2021
Ministria e Shëndetësisë ka pranuar sot 4680 doza të vaksinës Pfizer/Biontech kundër COVID-19, pjesë e parë e 95 000 dozave të cilat Bashkimi Evropian i ka ndarë për Kosovën në kuadër të mbështetjes së vendeve të Ballkanit Perëndimor në vaksinimin kundër COVID-19.
Me rekomandim të Komitetit për vaksinim kundër COVID-19, këto doza të vaksinës Pfizer/Biontech do të përdoren për vaksinimin e punëtorëve shëndetësor, të cilët nuk kanë mundur të vaksinohen në fazën e parë të vaksinimit për arsye shëndetësore për çka duhet të kenë dëshmi.
Vaksinimi do të rifillojë nesër, e mërkurë 5 maj 2021 me punëtorët shëndetësor nga e tërë Kosova, të cilët do të vaksinohen në sallën “1 Tetori” në Prishtinë, duke filluar nga ora 10:00./InLajmi/
