Kryediplomatja e Kosovës, Donika Gërvalla është duke u kritikuar nga shumë njerëz për deklaratën e saj të bërë për Hashim Thaçin dhe Kadri Veselin në vitin 2017 ku i ka quajtur “koka të krimit”, dhe se ndaj tyre do të dërgoj dëshmi në Gjykatën Speciale, përcjellë InLajmi.
Nuk është vetëm Thaçi dhe Veseli që u thembuan nga deklarata e Gërvallas, por edhe Rexhep Selimi.
Vitin e kalur në kohën kur Rexhep Selimi ishte shef i grupit parlamentar të Vetëvendosjes, pikërisht me datën 7 shkurt 2020, Gërvalla ka shkruar se Rexhep Selimi është një prej të dyshuarve në Hage.
“Nëse mund t’iu besohet informacioneve të mediumeve të ndryshme, Rexhep Selimi qenka propozuar si kryetar i grupit parlamentar të VV-së. Ky do të ishte një sinjal shumë i shëmtuar, jo vetëm për faktin që Rexhep Selimi është një prej të dyshuarve të Hagës”, ka shkruar Gërvalla.
Mirëpo ajo nuk u ndalë vetëm me atë status, gjatë asaj kohe, dryediplomatja ka vazhduar të hedh edhe kritika të tjera ndaj Selimit, madeje e ka quajtur figurë e diskredituar e botës së krimit.
“Sa gërditshëm me e pa pikërisht Rexhep Selimin duke folur për shtetin e së drejtës. Fakti më i shëmtuar që as LVV nuk ka arritur të çlirohet tërësisht nga figurat e saj të diskretituara të botës së krimit”, ka shkruar Gërvalla.
