Numri i rasteve me Covid në Shqipëri ka rënë në mënyrë të ndjeshme. Gjatë 24 orëve të fundit janë identifikuar 38 raste të reja me Covid-19 në 1762 testime të kryera.
Ministria e Shëndetësisë bëri me dije se 2 persona kanë humbur jetën për shkak të virusit, një qytetar nga Shkodra dhe një qytetar nga Durrësi të moshave 83-90 vjeç.
Rastet pozitive të konfirmuara janë identifikuar në këto bashki: 20 raste në Tiranë, 5 në Korçë, 3 në Sarandë, nga 1 rast në Fier, Kukës, Lezhë, Vlorë, Mirditë, Divjakë, Gramsh, Skrapar, Patos, Konispol.
Në 24 orët e fundit janë shëruar 872 qytetarë, duke e çuar numrin e të shëruarve në 111,792 që nga fillimi i epidemisë, përcjell Euroneës.
Aktualisht në spitalet Covid po trajtohen 123 pacientë, 10 në terapi intensive, nga të cilët 2 pacientë janë të intubuar.
