Infermieri Enlirat Duraku tash e 5 ditë ka hyrë në grevë urie për shkak të mosrritjes së pagesës për ndërrimet e natës për infermierët, për mospagesën e punës gjatë vikendit dhe orëve shtesë, përcjell InLajmi.
Gjendja e tij është përkeqësuar pasi tashmë ai ndjen dhimbje, rrahje të shpëjta të zemrës, marramëndje.
Më zuri në Qendrën Emergjente deri në ora 05:00 të mëngjesit, gjë që tregon se greva e urisë ka filluar të ketë ndikim negativ në shëndetin tim më shpejtë se sa që e kam parashikuar, me dhimbje të papërshkruara, frekuencë të lartë të të rrahurave të zemrës, marramendje, i dezorientuar.
Këtë e ka bërë të ditur përmes postimit në rrjetin e tij social në facebook ku ka kritikuar Qeverinë se kjo e fundit ka buxhet të ndajë fonde për lokalet, për të paguar energjinë elektrike minoriteteve por po ua mohon të drejtën e rritjes së pagës edhe infermierëve.
Deri sa Qeveria e Republikës së Kosovës dhe Kuvendi i Republikës së Kosovës ka buxhet që të ndajë fonde prej 200.000 € për kafe ndërsa ka buxhet poashtu që t’ua paguaj energjinë elektrike minoriteteve, sigurisht që duhet të ketë buxhet edhe për rritje të pagesës së ndërrimeve të natë për infermier, pagesë të punës gjatë vikendeve dhe orët shtesë si dhe pagesën e rrezikshmërisë në punë.
Ai në fund ka thënë se përgjegjës për gjendjen e tij do të jetë vëtë Qeveria e cila po tregohet indiferente ndaj kërkesave të infermierëve.
Nëse më ndodhë ajo më e keqja, për shkak të pasivitetit që po tregohet karrshi kërkesave të infermierëve si dhe për shkak që keni zgjedhur injorimin si platformë komunikimi me infermierët, publikisht do ju mbajë përgjegjës ju.
Postimi i plotë i tij pa ndërhyrje:
DITA 5, GREVË URIE
Më zuri në Qendrën Emergjente deri në ora 05:00 të mëngjesit, gjë që tregon se greva e urisë ka filluar të ketë ndikim negativ në shëndetin tim më shpejtë se sa që e kam parashikuar, me dhimbje të papërshkruara, frekuencë të lartë të të rrahurave të zemrës, marramendje, i dezorientuat et.
Kam mendu që do e kem më të lehtë kësaj radhe mirëpo paskam gabuar, gjithmonë duke shpresuar në mbështetjen e kolegëve, mirëpo një e di që Allahu i Madhërishëm nuk më lë vetë asnjëherë.
Presidente
Kryeministër
Ministër i Shëndetësisë
Kryetare e KMP për Shëndetësi
,Deri sa Qeveria e Reoublikës së Kosovës dhe Kuvendi i Republikës së Kosovës ka buxhet që të ndajë fonde prej 200.000 € për kafe ndërsa ka buxhet poashtu që t’ua paguaj energjinë elektrike minoriteteve, sigurisht që duhet të ketë buxhet edhe për rritje të pagesës së ndërrimeve të natë për infermier, pagesë të punës gjatë vikendeve dhe orët shtesë si dhe pagesën e rrezikshmërisë në punë.
Logariteni se sa mund të qëndroj njeriu pa bukë, ju jeni intelektual dhe të menqur, ndërsa grevën nuk e ndal deri në realizim të kërkesave të infermierëve.
Nesë më ndodhë ajo më e keqja, për shkak të pasivitetit që po tregohet karrshi kërkesave të infermierëve si dhe për shkak që keni zgjedhur injorimin si platformë komunikimi me infermierët, publikisht do ju mbajë përgjegjës ju.
Enlirat K. Duraku
