Nga 13 marsi i vitit të kaluar kur edhe u konfirmuan rastet e para me koronavirus në Kosovë, janë shënuar gjithsej 105.375 raste pozitive.
Nga 105.375 persona të infektuar me COVID-19, 94.630 janë shëruar, ndërkaq 2.178 kanë vdekur, derisa 8.567 persona janë duke luftuar me koronavirusin.
Instituti Kombëtar i Shëndetësisë Publike të Kosovës të shtunën ka publikuar të dhënat e fundit rreth situatës me COVID-19, ku është bërë e ditur se në 24 orët e fundit janë shënuar 187 raste pozitive, nga 2.944 mostra të testuara.
Sipas institutit, brenda 24 orëve janë raportuar 5 raste të vdekjes me SARS CoV-2 pozitiv, raporton Express
“Rastet e vdekjes janë nga komunat: Skenderaj 2 raste (77, 70 vjeç), Gjakovë 1 rast (87 vjeç), Pejë 1 rast (86 vjeç), Suharekë 1 rast (81 vjeç). Numri total i rasteve pozitive është 105.375 raste nga 536.708 persona të dyshimtë në virusin SARS-CoV-2 dhe 2.178 raste të vdekjes. Gjatë 24 orëve të fundit, janë shëruar 456 pacientë derisa numri i përgjithshëm i të shëruarve deri më sot është gjithsej 94.630 raste, kurse numri i rasteve aktive është 8.567. Rastet pozitive janë nga komunat: Prishtinë 42 raste, Mitrovicë 15 raste, Gjakovë 13 raste, Drenas 10 raste, Gjilan 10 raste, Podujevë 10 raste, Ferizaj 9 raste, Istog 9 raste, Fushë-Kosovë 8 raste, Suharekë 8 raste, Lipjan 7 raste, Skenderaj 7 raste, Deçan 6 raste, Kaçanik 6 raste, Pejë 6 raste, Klinë 5 raste, Obiliq 3 raste, Prizren 3 raste, Viti 3 raste, Vushtrri 3 raste, Malishevë 2 raste dhe me nga një rast komunat Junik dhe Shtime”, thuhet në njoftim.
