Komuna e Deçanit ka organizuar manifestimin qendror për shënimin e 31 vjetorit e tubimit gjithëpopullore për faljen e gjaqeve në Verrat e Llukës në Deçan, raporton InLajmi.
Lideri i AAK-së, Ramush Haradinaj, ka thënë se kjo vepër është e madhe dhe e përjetshme, ku populli ynë në kohën e okupimit gjetën mënyrën për të falë gjaqe.
“I nderuar që kombi im e ka vazhduar këtë rrugë të lavdishme. Të gjitha lëvizjet për liri e çlirim të gjithë brezave e kanë kuptua rëndësinë e pajtimit ndër shqiptar. Vepra e tyre është e madhe dhe e përjetshme. Në ato kohë të okupimit gjetën mënyrën që me falë gjaqe, plagë e mospajtesa. Ne si shqiptar në vetëdijen tonë i dimë dhe i ndjejmë të gjitha kontributet e paraardhësve tanë si ai i profesor Anton Çettës. Vepra e tyre do të jetoj me të gjithë ne. Në zemër jam ai që falë dhe si familje kam falë dhe i kuptojë të gjithë që kanë falë e ata që s’kanë falë i thërras të falin vetën e kombin tonë”.
“Edhe sot prijësit fetar ndihmojnë për pajtim mes familjeve. Ashtu si ne me vëlla vrasje rrezikojmë njëri tjetrin edhe popujt rrezikojnë njëri-tjetrin. Mos të harrojmë që vlerat e krijuara duhet të mbrohen. Liria jonë duhet të mbrohet”
“Ne jemi të vetëdijshëm për rrethanat gjeopolitke dhe me respekt të tyre ne jemi duke ndjekur rrugën për në BE e në NATO”.
Tutje kryetari i komunës së Deçanit, Bashkim Ramosaj ka thënë se çdo komb gjatë udhëtimit të tij ka gjestet e mëdha historike.
“Çdo komb gjatë rrugëtimit tij i ka gjestet më të mëdha historike, ka përcaktimet që e bëjnë një ngjarje madhështore dhe kjo është nga ngjarjet më madhështore për ne”.
“Nder e respekt për të gjithë ata që kanë kontribua që Verra e Llukës me ndodhë”..
Profesor Hilmi Muçaj, ka vazhduar ku ka thënë se të Kuvendi i Verrave të Llukës kanë marrë pjesë gjysme milioni shqiptarë.
“Një gjysmë milionë njerëz te Kuvendi i Verrave të Llukës ka paraprirë edhe shume kuvende tjera. Në vitin 1990 kanë marrë pjesë gjysmë milioni shqiptarë kurse gazetar Bujku thotë që kanë qenë 500 mijë. Shumë njerëz po mundohen që çështjet tilla me rëndësi tua veshin vetës e të thonë që ne i kemi bërë. U falem 111 gjaqet”, u shpreh ai.
Havë Shala, pjesëmarrëse në Kuvendin e Verrave të Llukës ka thënë se ndihet krenare për ata burra që patën guxim të falnin gjaqet.
“Ju garantoj që ndjenja e parë që me zgjon emri Verrat e Llukës është krenaria për ata burra që patën guxim të falim gjaqet. Ata që falen gjaqet janë gjeneralët moral të këtij vendi”. /InLajmi/
