Djelmoshat e Përfaqësueses së Kosovës në hendboll ka udhëtuar të premten për në Suedi, kjo pasi që do të luajnë me Suedinë në ora 18:00, përcjellë InLajmi.
Gjatë këtyre 2 ditëve djemët e përfaqësuesës janë përgatitur që në këtë lojë të jepin më të mirën nga ana e tyre.
Kjo ndeshje luhet për përmbylljen e fazës së 2-të kualifikuese për Euro 2022.
Postimi i plotë i kubit hendbollistik të Kosovës:
Nga qyteti Alingsas në Suedi, një fundjavë të mbarë ua dëshirojnë djemtë tanë të Komëbtares së Kosovës në hendboll.
Kombëtarja të premten ka udhëtuar për në Suedi, ndërsa sot vazhdon përgatitjet për ndeshjen përmbyllës të fazës së dytë kualifikuese për Euro 2022. Tashmë këto kualifikime janë të suksesshme për ne. Jemi konsoliduar si Kombëtare që i takon fazës së dytë kualifikuese, kemi fituar respektin e të gjithëve dhe po shfaqim vlera.
Të dielën (18:00) e kemi ndeshjen me nënkampionen e Botës, Suedinë. Suedia është në moment të ndritur. Në fillim të vitit luajti në finale të Botërorit, ndërsa të gjitha ndeshjet kualifikuese i ka fituar bindshëm. Të premten, Suedia fitoi ndaj Malit të Zi në Podgoricë me rezultat 34:22.
Suedia udhëheq në grup me 10 pikë nga 5 ndeshje. Mali i Zi është i dyti me 4 pikë, ndërsa vendet tre e katër janë për Rumaninë e Kosovën me nga 3 pikë. Matematikisht ende kemi gjasa për kualifikim, por Suedia është niveli më i lartë i mundshëm botëror.
Djemtë tanë megjithatë po përgatiten për të dhënë më të mirën e mundshme, për të djersitur fanellën e rëndë të Kosovës sa më shumë të jetë e mundur. Ajo kërkohet prej tyre – angazhim maksimal, luftë për çdo top dhe prezantim i dinjitetshëm i Kombëtares. /InLajmi/
