Në nderim të rënies së Heroit Agim Selmanaj në përvjetorin e tij, kryetari i Aleancës për Ardhmërinë e Kosovës, Ramush Haradinaj, ka bërë homazhe në Gllogjan, raporton InLajmi.
Haradinaj ka thënë se për bashkimin e shqipëtarëve kanë dhënë shumë vetë familja e heroit, Agim Selmanaj.
“Për bashkimin e shqiptarëve kanë dhënë shumë vetë familja e heroit, babai i Agimit janë të gjithë bashkë por edhe familja e gjerë. Nuk është rastësi që Agimi është ndër luftërat e hershëm të brezit të parë të UÇK-së. Pra nuk është rastësi që ai me gjithë bashkëluftëtarët tjerë mori pjesë në të gjitha vendbetejat, vendluftimet në zonën e Dukagjinit”, u shpreh ai.
“Sot me respekt i nderojmë por edhe betohemi në atë që ka qenë betim i gjithë luftëtarëve pra që ta mbrojmë lirinë”, tha tutje ai.
Në këtë ditë shumë qytetarë deçanas janë parë në Gllogjan për homazhe. /InLajmi/
