Ish-ministri i Shëndetësisë, Armend Zemaj ka mbajtur një konferencë për media ku ka kritikuar Qeverinë Kurti për keqmenaxhim me pandeminë, raporton InLajmi.
Zemaj ka thënë se duhet kujtuar Qeverisë së re me 8 qershor është afati për të i marrë vaksinat e dozës së dytë nga i njëjti prodhues AstraZeneca por vaksina të kësaj kopanie nuk ka.
“Kjo qeveri ka gënjyer qytetarët e Kosovës duke thënë se prioriteti i saj është gjendja politike ashtu siç po del të jetë mashtrim çdo kauzë. Doli para qytetarëve, mori vota dhe ndryshoi qëndrim menjëherë pas marrjes së pushtetit. I kujtojmë qeverisë se 8 qershori është afati për marrjen e dozës së dytë të vaksinës, po nga i njëjti prodhues Astra Zeneca e vaksina të kësaj kompanie nuk ka”,
Zemaj gjithashtu ka shtuar se qyetarët janë të painformuar nga ata që u zotuan për vaksinim të qytetarëve.
“Për fat të keq qytetarët janë të painformuar nga ata që u zotuan për transparencë, u zotuan për vaksinim të qytetarëve mbi 60% të popullsisë. Nëse vazhdohet me këtë ritëm, Kosovës do t’i duhen më shumë se tri vjet për ta përmbyllur procesin e vaksinimit të popullsisë. Në ndërkohë virusi po vazhdon që të infektojë qytetarët tanë”,
Tutje Zemaj ka kritikuar Qeverinë edhe për numrin e ulët te tëstimeve.
“Ata çdo ditë po vdesin dhe sasia e vaksinave është zvogëluar. Normal që numri i infektimeve del i vogël kur numri i testeve është zvogëluar sepse përveç që kanë zvogëluar ato, këta qytetarët me gojën plotë për mërgatën tonë po i detyrojnë ata që të testohen në institucione private”. /InLajmi/