AAK përkrah protesten e thirrur nga infermierët e vendit

Shemsedin Dreshaj, deputet nga radhet e Aleancës për Ardhmërinë e Kosovës, ka përkrahur protesten e thirrur nga infermierët e vendit , përcjellë InLajmi.

Dreshaj kashkruar se grupi parlamentar i AAK-së mështet plotësisht këtë protestë.

Sipas tij kërkesa e tyre kërkesa drejtuar Qeverisë së Kosovës është krejtësisht e drejtë.

Dreshaj gjithashtu ka kërkuar nga qeveria që sa ma shpejt ta sjellë në Kuvend Ligjin për paga ku ka shtuar se AAK gjithmonë ka qenë pro këtij ligji.

Postimi i plotë i tij:

Infermierët tanë duhet të jenë heronj në vepër e jo vetëm heronj në letër

Grupi Parlamentar i AAK-së e mbështet plotësisht protestën e thirrur nga infermierët e vendit. Që nga fillimi i pandemisë COVID-19 e deri më sot, infermierët dhe i gjithë stafi shëndetësor ka bërë punë vetëmohuese. Kërkesat e tyre drejtuar Qeverisë së Kosovës janë krejtësisht të drejta.

Qeveria e Republikës së Kosovës duhet sa më parë të ndajë buxhet për rritjen e pagesës së ndërrimeve të natës për infermierë, pagesën e punës gjatë vikendeve, orët shtesë të punës dhe pagesën e rrezikshmërisë në punë.

Qeveria sa më parë duhet të sjellë në Kuvend Ligjin e pagave.

Aleanca për Ardhmërinë e Kosovës ka qenë gjithmonë pro këtij ligji. Përmes Ligjit të pagave duhet t’u mundësojmë kushte të dinjitetshme infermierëve tanë. Infermierët tanë duhet të jenë heronj në vepër e jo vetëm heronj në letër.

Në vend se të ndalen shtesat për infermierët tanë siç ka ndodhur nga ana e kësaj qeverie, e në vend të saj të paguhet rryma për serbët në veri ka qenë dashtë të ndodhte e kundërta.

Qeveria i ndali shtesat me arsyetimin se nuk ka buxhet, ndërkaq mori vendim që t’i paguajë 11 milionë euro serbëve në veri për rrymën e shpenzuar, duke shkelur mbi parimin e barazisë së qytetarëve dhe duke legalizuar krimin në veri.

Infermierët dhe i gjithë stafi shëndetësor janë heronjtë e ditës së sotme dhe ata meritojnë të trajtohen dinjitetshëm.

Prof.Shemsedin Dreshaj

Anëtar I Komisionit Parlamentar për Shëndetësi nga radhët e Aleancës për Ardhmërinë e Kosovës /InLajmi/