Kryetari i Aleancës për Ardhmërinë e Kosovës, Ramush Haradinaj ka përkujtuar dëshmorët e fshatit Prejlep të Deçanit, përcjellë InLajmi.
Haradinaj ka shkruar se nderon kontributin e fshatit Prejlep dhe të bashkëluftëtarëve të tij, Edmond Dabiqaj, Sadri Latifaj dhe Haxhi Tolaj.
Ai ndër të tjera ka kujtuar edhe të rënët anekënd Dukagjinit.
Postimi i plotë i tij:
Në përvjetorin e rënies së bashkëluftëtarëve të mi, Edmond Dabiqaj, Sadri Latifaj dhe Haxhi Tolaj, nderojmë sot kontributin e fshatit Prejlep në Luftën Çlirimtare, Dëshmorët e Martirët që ia fali lirisë.
I ndodhur në vijën e parë të frontit, Prejlepi bëri rezistencën më të mirë që e meritonte agresori.
Sot gjithashtu kujtojmë të rënët për liri anekënd fronteve të luftës në Dukagjin, bashkëluftëtarët Bekim Thaçi, Fetah Sylejmani, Isuf Dinaj, Muhamet Bardheci, Mustafe Avdullahu , Pëllumb Ademaj, Rexhep Hajdaraj, Shkelzen Brahimaj dhe Xhavit Fetahaj.
Historia është dëshmitare e betejave dhe heroizmit të tyre. Lavdi! RH /InLajmi/
