Ambasada e Kosovës në Gjermani ka bërë të ditur se të premten është pensionuar Atasheu i Sigurisë, Dr. Xhavit Sadrijaj pas 8 viteve shërbim, përcjellë InLajmi.
Sadrijaj ka dhënë një kontribut të rëndësishëm në forcimin e lidhjeve mes FSK-së dhe Bundeswehrit të Gjermanisë. Njëherësh Sadrijaj ishte edhe pjesëtarë i Shtabit të Përgjithshëm të UÇK-së.
Njoftimi i plotë i Ambasadës së Kosovës në Gjermani:
Sot me rastin e përfundimit të Mandatit dhe në bazë të legjislaturës në fuqi edhe kalimit në Pension të Kolonel Dr. Xhavit Sadrijaj, të shtërnguar nga rrethanat pandemike, bashkë me stafin e Ambasadës së Republikës së Kosovës në Gjermani organizuam një përcjellje për kolegun tonë i cili tash 8 vite shërbeu si Atashe i Sigurisë në Repubklikën Federale të Gjermanisë.
Kolonel Dr. Xhavit Sadrijaj me punën dhe angazhimin e tij ka bërë hapa të rëndësishëm në forcimin e lidhjeve mes FSK-së dhe Bundeswehrit të Gjermanisë si dhe ka prezantuar me dinjitet dhe sukses Kosovën në arenën ndërkombëtare të Atasheve nga mbarë bota në Berlin. Biografia jetësore e Dr. Sadrijajt- nga fillet e tij ushtarako- akademike në armatën e ish-Jugosllavisë përmes kontributit të tij të jashtëzakonshëm në luftën për liri të Kosovës si pjestar i Shtabit të Përgjithshëm të UÇK-së, transfomimin e saj në TMK dhe FSK si dhe angazhimin në diplomacinë ushtarake kanë hapur shtegun që Kosova të jetë më prezente në Berlin, Oficerët, Nënoficerët dhe Kadetët e FSK-së që janë shkolluar në këtë shtet të kenë një epror të tyre pranë dhe koleget e kolegët në Ambasadë dhe Konsullatat e Kosovës të shohin në të një njeri me integritet dhe vlera të pashoqe.
Kolonel Dr. Xhavit Sadriaj i dëshirojmë çdo të mirë në rrugëtimin e tij të mëtejshëm! /InLajmi/
